Pokistonning Peshovor shahridagi masjidda sodir etilgan terakt qurbonlari soni 90 kishiga yetdi. Mahalliy politsiya bergan maʼlumotlarga koʻra, portlash oqibatida 200 nafardan oshiq yarador kasalxonalarga yetkazilgan. Vafot etganlarning jasadlari esa shaxsni aniqlash va dafn etish uchun marhumlarning yaqinlariga topshirilgan.

Ayni vaqtda huquqni muhofaza qilish organlari xodimlari shifokorlar bilan birgalikda bino xarobalari ostida qolib ketgan odamlarni qutqarish ishlarini davom ettirmoqdalar. Terakt munosabati bilan bir kunlik motam eʼlon qilingan.

Eslatib oʻtamiz, kecha, 30 yanvar kuni Peshovorning Afgʻoniston chegarasi yaqinida joylashgan hududidagi masjidda terakt sodir etilgan edi. Portlash xudkush tomonidan amalga oshirilgan, terakt uchun javobgarlikni “Tolibon”ning Pokistondagi boʻlinmasi oʻz boʻyniga olgan.

• Jahon
• Pokiston
• Terakt
• Tolibon
• xabar