Pokistondan kartoshka import qilindi. Shu sabab uning narxi pasaymoqda.

2025-yilning fevral oyida Toshkent shahridagi supermarketlarda oziq-ovqat mahsulotlari narxining o‘zgarishi tahlil qilindi.

Monitoring natijalari 6 nomdagi mahsulot bo‘yicha minimal narxlar o‘tgan oydagiga nisbatan pasayganligini ko‘rsatmoqda.

Qayd etilishicha, kartoshkaning minimal narxi 26,1 foiz, qizil sabziniki 11,3 foiz, lavlaginiki 8,2 foiz, tuxumniki 7,8 foiz, sutniki 0,9 foiz, shakarniki 0,4 foiz pasaygan.

Kartoshka narxining pasayishiga o‘tgan oyda Pokistondan kartoshka import qilingani sabab bo‘lgan.

Bodring narxi esa sezilarli darajada oshgan, ammo o‘tgan yilning shu davridagiga nisbatan 30,0 foiz arzon.

7 nomdagi mahsulotning eng past narxlari o‘zgarishsiz qolgan. Bular -  bug‘doy uni, guruch, grechka, makaron, olma, banan, tovuq go‘shti.

• Import
• Pokiston
• kartoshka