Pokistonda sud mamlakat sobiq bosh vaziri Imron Xonni davlat sirlarini oshkor qilganlikda ayblab, 10-yilga ozodlikdan mahrum qildi. Bu haqda “Yeuronews” agentligi ma’lum qildi.

Qayd etilishicha, Pokistonning sobiq tashqi ishlar vaziri, Xonning “Adolat uchun harakati” partiyasi raisi o‘rinbosari Shax Mexmud Kureshi ham xuddi shunday muddatga hukm qilindi.

Ayblov xulosasiga ko‘ra, Xon Pokistonning Vashingtondagi elchisi hukumatga yuborgan maxfiy telegramma mazmunini oshkor qilgan.

Uchrashuv Ravalpindidagi qamoqxonada bo‘lib o‘tdi. U yerda sobiq bosh vazir korrupsiyada ayblanib, uch yillik qamoq jazosini o‘tamoqda.

71 yoshli Imron Xon esa o‘ziga qo‘yilgan ayblovlarni rad etdi.

• Korrupsiya
• Pokiston
• Telegramma