Ikkinchi marta Ukrainaning sobiq prezidenti Pyotr Poroshenkoga NATO Parlament Assambleyasida ishtirok etish uchun xorijga chiqishga ruxsat berilmadi. Bu haqda shanba kuni “Ukrainska pravda” nashri mamlakat huquq-tartibot idoralaridagi manbasiga tayanib xabar berdi.

Rada deputati Irina Gerashchenkoning so‘zlariga ko‘ra, Poroshenko NATO Parlament Assambleyasi rasmiy delegatsiyasi tarkibiga kiradi, shuningdek, Yevropa xalq partiyasi sammitida nutq so‘zlashi kerak. Deputat barcha xizmat safarlari kelishilganini, Oliy Rada rahbarida taklifnomalar borligini ta’kidlagan. 

Biroq, chegarachilar Poroshenkoni chegaradan o‘tkazib yuborishmagan, chunki ular Stefanchuk imzolagan xizmat safari haqidagi buyruqni “soxta yoki bekor qilingan” deb hisoblashgan. Shuningdek,  chegarada QR-kodni o‘qish bilan bog‘liq ayrim muammolar tufayli unga chiqish taqiqlangan.

• Chegara
• NATO
• Prezident
• Ukraina