Portugaliya adliya vazirligi milliarder Roman Abramovich Portugaliya fuqaroligini noqonuniy olgan, degan gumonda ish ochgan, deb xabar beradi Reuters axborot agentligi.

Abramovich 2021-yilda Portugaliya fuqaroligini olganligi haqida xabarlar e’lon qilingan edi. U o‘rta asrlarda Pireney yarim orollaridan haydalgan serfand yahudiylari avlodlari tabiiylashtirilishi qonuniga ko‘ra fuqarolikka ega bo‘lgan.

Sefard-yahudiylar Janubiy Yevropa va Shimoliy Afrikada yashashgan. Portugaliyada milliarderning familiyasi – Abramovich – ashkenazlardan kelib chiqqan degan ma’lumotni asos qilib olishgan. Ashkenaz-yahudiylar ikkinchi jahon urushiga qadar Shimoliy va Sharqiy Yevropada yashashgan.

“Hamma, foydali qonun bilan pasport mafiyasi yaratilgan deb hisoblayapti” deydi korrupsiyaga qarshi kurash faollaridan va Portugaliyaning Transparency International bo‘limi asoschisi Joao Batalya.

Portugaliya adliya vazirligi tergov ishlari haqiqatni topishdagi standart jarayon deb uqtirgan.

• Portugaliya