Ijtimoiy tarmoqlarda so‘nggi kunlarda aholining yo‘llardagi chuqurlarni o‘zlari to‘ldirayotgani tasvirlangan videolar tarqalmoqda. Toshkent shahar hokimligi ushbu holat yuzasidan idoco

Ma’lum qilinishicha, bugungi kunda shahar hokimligi va tuman hokimliklari yo‘l qoplamasini ta’mirlash bo‘yicha rejali va keng ko‘lamli ishlarni olib bormoqda. Bu ishlarga frezerlash, tozalash, asfalt yotqizish va uni maxsus texnikalar yordamida zichlash kiradi. Ushbu tadbirlar belgilangan texnologik talablar asosida, sifatli materiallardan foydalangan holda, shuningdek, ishlar paytida xavfsizlikni ta’minlash uchun YHXBB xodimlarini jalb etgan holda amalga oshirilmoqda.

Chuqurchaga sovuq aralashma to‘ldirib, qo‘ldagi vositalar bilan zichlash usuli to‘liq ta’mirlash hisoblanmaydi. Bunday usul muammoni hal qilmasdan qolmay, balki ba’zi hollarda vaziyatni yana-da murakkablashtirishi, transport harakatiga va ta’mirlash tashabbuskorlarining o‘zlariga qo‘shimcha xavf tug‘dirishi mumkin.

“Ta’mirlash tashabbuskorlarini yo‘llarni o‘zboshimchalik bilan yamashdan tiyilishga va toqatli bo‘lishga chaqiramiz. Barcha zarur ta’mirlash ishlari tasdiqlangan jadval asosida va texnik me’yorlarga rioya qilgan holda bajarilmoqda”, – deyiladi xabarda.

Hokimlik faol fuqarolik pozitsiyasi uchun shaharliklarga minnatdorchilik bildirgan.

“Ushbu g‘ayratni yanada samarali yo‘naltirishga undaymiz — Xalq nazorati portaliga murojaatlar yuboring, noto‘g‘ri ta’mirlash holatlarini suratlar bilan qayd eting va ijroni kuzatib boring. Faolligingiz shahrimizni yanada yaxshilashga yordam beradi”, – deya qo‘shimcha qilingan xabarda.

Toshkent shahrida 7-martdan ko‘cha-yo‘l tarmog‘ini ta’mirlash va rekonstruksiya qilish bo‘yicha ishlar boshlangan edi. Tahlillarga ko‘ra, 2025-yilda joriy va kapital ta’mirlash talab qilinadigan ko‘chalar ro‘yxatini o‘z ichiga olgan manzilli ta’mirlash dasturi ishlab chiqildi. Dastur doirasida umumiy maydoni 65 ming kvadrat metrdan ortiq bo‘lgan yo‘llarni ta’mirlash rejalashtirilgan.

• Hokimlik
• Murojaat
• Toshkent
• Yo‘l-qurilish