“Poytaxt bank” AJ ustav kapitalidagi 100 foiz davlat aksiyalari paketini sotishdan tushgan mablag‘lar ushbu davlat aktivini sotish bilan bog‘liq xarajatlarni chegirgan holda Toshkent shahar mahalliy byudjetiga yo‘naltiriladi. Bu haqda Vazirlar Mahkamasining joriy yil 29 noyabr kuni 719-sonli qarori qabul qilindi.

Toshkent shahar mahalliy byudjetiga kelib tushgan mablag‘lar Moliya vazirligi tomonidan Toshkent shahar mahalliy byudjetiga ajratilgan byudjet ssudalarini, Tiklanish va taraqqiyot jamg‘armasi hamda tijorat banklari tomonidan ajratilgan kreditlarni qaytarishga yo‘naltiriladi.

Eslatib o‘tamiz, “Poytaxt-bank”ning xususiylashtirilishi yuzasidan Davlat aktivlarini boshqarish agentligi va Ekspobank (Rossiya) o‘rtasida kelishuv memorandumi imzolangan edi.

Ma’lumot uchun, 2017-yil 13-martdagi Prezidentning tegishli qarori bilan “Poytaxt bank” AJ 100 foiz Toshkent shahar muassisligida tashkil etilgan va bankning ustav kapitalini shakllantirishga poytaxt hokimligi mahalliy byudjeti qo‘shimcha mablag‘lari hisobidan 100 mlrd so‘m ajratilgan.

• Poytaxt bank