2023-yilning 1-oktyabr kunidan boshlab, Toshkent xalqaro aeroporti va Bobur ko‘chasini bog‘lovchi ko‘prik yo‘lini ta’mirlash ishlari doirasida ko‘prik yo‘li orqali avtobuslar va yuk transportining harakati vaqtinchalik cheklanadi. Poytaxtda harakatlanuvchi 10 ta yo‘nalishdagi avtobuslarning harakati vaqtincha o‘zgartirildi. Bu haqda “Toshshahartransxizmat” xabar berdi.

Shu munosabat bilan, mazkur koʻchalar orqali harakatlanuvchi avtobus yoʻnalishlarining harakati quyidagicha tashkil etiladi:

67, 76, 94-sonli avtobus yoʻnalishlarining harakati Bobur ko‘chasidagi Yakkasoy TIIB bekatida qisqartiriladi;

11, 40, 45-sonli avtobus yoʻnalishlarining harakati Bobur ko‘chasidan Nukus, A.Qahhor, A.Qahhor-7, Kichik Beshyog‘och, Kichik halqa yo‘li, Sariko‘l, Temiryo‘lchilar, H.Aliyev, Lokomotiv, Qumariq ko‘chalari orqali keyingi harakati o‘z yo‘nalishi bo‘ylab vaqtinchalik o‘zgartiriladi;

61, 106-sonli avtobus yo‘nalishlari harakati Aeroport-2 bekatida qisqartiriladi;

47, 77-sonli avtobus yoʻnalishlarining harakati Bobur ko‘chasidan Nukus, A.Qahhor, A.Qahhor-7, Kichik Beshyog‘och, Kichik halqa yo‘li, Sariko‘l, S.Banokatiy, Lokomotiv, Qumariq ko‘chalari orqali keyingi harakati o‘z yo‘nalishi bo‘ylab vaqtinchalik o‘zgartiriladi.

• Avtobus
• Toshkent