Toshkent shahrining 2 ta tumanida gaz ta'minoti vaqtincha to'xtatiladi. Bu haqida “Hududgaz poytaxt” gaz ta’minoti filiali ma’lumot berdi.

Toshkent shahrining Mirobod tumani, Farg`ona yo`li ko`chasida joylashgan yer usti o`rta bosimli D-76 mm gaz quvurini harakatdagi gaz quvuriga ulash ishlari “Hududgaz Poytaxt” GTFning “Yer osti gaz quvurlari xizmati” tomonidan rejalashtirilgan.

Shu sababli, 2022-yil 27-iyun kuni soat 11:00 dan16:00 gacha Toshkent xalqa avtomobil yo’li hamda Farg’ona yo’li ko’chalarida gaz ta’minoti vaqtinchalik to’xtatiladi.

Shuningdek, Yangihayot tumani, Chortoq ko’chasida obodonlashtirish ishlari olib borilishi munosabati bilan gaz quvurlarini yer ostidan o’tkazish ishlari boshlangan. Shu sababli 2022-yil 27-iyun kuni soat 10:00 dan 18:00 gacha “Al-Farg’oniy”, “Fayzli”, “Toshkent” va “Chortoq” mahallalaridagi 2 246 ta yerli va ko’p qavatli uylardagi 528 ta xonadonlar hamda 114 ta ulgurji istemolchilarda gaz ta’minoti vaqtinchalik to’xtatiladi.

Ta’mirlash ishlari tugatilgandan so’ng, tabiiy gaz ta’minoti qayta tiklanadi, deya xabar bermoqda "Hududgaz poytaxt".

• Gaz
• Toshkent