Bosh prokuratura huzuridagi Departamentning Qorao‘zak tuman bo‘limi tomonidan IIV xodimlari bilan hamkorlikda o‘tkazilgan tezkor tadbirlarda fuqarolar B.B. (muqaddam sudlangan) va B.Sh. fuqarolar U.A. va D.U.ni haydovchilik guvohnomasini olish uchun imtihondan o‘tkazib berish evaziga jami 11 mln so‘mni olgan vaqtlarida ashyoviy dalillar bilan ushlangan.

Shu kabi, Departamentning Qo‘shrabot tuman bo‘limi tomonidan DXX xodimlari bilan hamkorlikda o‘tkazilgan tezkor tadbirda “G.A.” MCHJga qarashli avto maktab o‘qituvchisi S.X. fuqaro S.A.ga ushbu avto maktabda o‘qiganligi haqida hujjat tayyorlab haydovchilik guvohnomasi olib berish evaziga 700 AQSh dollarini olgan vaqtida ashyoviy dalillar bilan ushlangan.

Departamentning Termiz shahar bo‘limi tomonidan IIB xodimlari bilan hamkorlikda o‘tkazilgan tezkor tadbirda esa, “T.A.” MCHJ direktori Sh.M. fuqaro K.T.ga 700 AQSh dollari evaziga “B", "C” toifali haydovchilik guvohnomasi olib berishini aytib, oldindan 6,9 mln so‘mni olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qo‘zg‘atilib, tergov harakatlari o‘tkazilmoqda.

• Bosh prokuratura
• Departament
• IIB
• prava