Oʻzbekiston Respublikasi prezidenti Shavkat Mirziyoyev Matbuot va ommaviy axborot vositalari xodimlari kuni munosabati bilan soha xodimlaridan bir guruhini mukofotladi.

Mamlakatimizda soʻz va matbuot erkinligini rivojlantirish, xalqimizning axborot sohasidagi konstitutsiyaviy huquqlarini taʼminlash, davlat va jamiyat boshqaruvida ochiqlik va oshkoralik tamoyillarini mustahkamlash, jamoatchilik nazoratini kuchaytirishga qaratilgan demokratik islohotlarni amalga oshirishda faollik koʻrsatib kelayotgani, global axborot maydonida milliy manfaatlarimizni himoya qilish, yurtimizdagi yaratuvchilik va yangilanish jarayonlari, erishilayotgan yutuqlarni keng targʻib etishdagi katta xizmatlari, soha uchun malakali professional kadrlarni tayyorlash, yosh avlodni Vatanga muhabbat va sadoqat, milliy va umuminsoniy qadriyatlar ruhida tarbiyalash borasidagi samarali faoliyati, shuningdek, ijtimoiy hayotdagi faol ishtiroki uchun quyidagilar faxriy unvon, orden va medallar bilan mukofotlansin:

“Oʻzbekiston Respublikasida xizmat koʻrsatgan jurnalist” faxriy unvoni bilan

Maksudov Muxammadjon - Oʻzbekiston Milliy teleradiokompaniyasining Namangan viloyati teleradiokompaniyasi direktori

Matyakubova Nazira Toxtabayevna - Qoraqalpogʻiston Respublikasi “Qoraqalpogʻiston tongi” gazetasi bosh muharriri

Toshev Farmon Isxakovich - Samarqand viloyati “Zarafshon” va “Samarkandskiy vestnik” gazetalari birlashgan tahririyati bosh muharriri

“Oʻzbekiston Respublikasida xizmat koʻrsatgan yoshlar murabbiysi” faxriy unvoni bilan

Xudaykulov Muxtar - Oʻzbekiston jurnalistika va ommaviy kommunikatsiyalar universitetining media nazariyasi va amaliyoti kafedrasi professori

Sheraliyev Raxmatilla - Toshkent viloyati "Chirchiq tongi" gazetasi bosh muharriri

“Oʻzbekiston Respublikasida xizmat koʻrsatgan madaniyat xodimi” faxriy unvoni bilan

Abasxanov Rixsiboy Abdilazizovich – “Yogʻdu” nashriyoti bosh muharriri

Amirova Shaxnoz Xatamovna (Shahnoza Gʻaniyeva) - Oʻzbekiston Milliy teleradiokompaniyasining «Oʼzbekiston» teleradiokanali» davlat muassasasi «Oʻzbekiston tarixi» telekanali loyiha boshlovchisi

Eshonkulov Nazar Saliyevich - Oʻzbekiston Milliy teleradiokompaniyasining “Oʻzbektelefilm” davlat muassasasi direktori oʻrinbosari – bosh muharriri

Toʻliq roʻyxat

Oʻzbekiston Respublikasi Prezidenti                       SH.Mirziyoyev

• Jurnalistika
• Prezident