Bugun, 22-avgust kuni O‘zbekiston prezidenti Shavkat Mirziyoyevning tadbirkorlar bilan uchrashuvi bo‘lib o‘tayotgani va unda prezident tadbirkorlik faoliyatiga oid bir qancha takliflar bergani haqida xabar qilingan edi.

Tadbir davomida aytilgan barcha takliflarni amalga oshirish uchun Prezident huzurida Tadbirkorlikni qo‘llab-quvvatlash bo‘yicha Jamoatchilik kengashi tuziladi. Bu haqda Prezident matbuot kotibi Sherzod Asadov ma’lum qildi.

“Prezident Administratsiyasi rahbariga ikki hafta muddatda  ushbu kengash ishini tashkil qilish topshirildi”,— deyiladi xabarda.

Hozirda Prezident so‘zini yakunlab, paytda tadbirkorlar bilan fikr almashayotgani, ularning taklif va tashabbuslarini tinglayotgani ma’lum qilindi.

• Kengash
• Shavkat Mirziyoyev