Bugun, 15-noyabr Islombek Ismoilov boshqaruvidagi O‘zbekiston o‘smirlar terma jamoasi pley-off bosqichidagi yurishini boshlaydi. Ushbu uchrashuv Qatar poytaxti Dohadagi “Espayr” akademiyasi stadionida Toshkent vaqti bilan soat 20:45 da start oladi.

Ma’lumot uchun, O‘zbekiston U-17 terma jamoasi o‘smirlar o‘rtasidagi Jahon chempionatlarida to‘rtinchi bor ishtirok etmoqda. Ushbu yosh toifasidagi O‘zbekiston jamoalari 2011 (Meksika) va 2023-yilgi (Indoneziya) musobaqalarda chorak finalga qadar yetib borgan. 2013-yil Birlashgan Arab Amirliklarida o‘tgan mundialda esa 1/8 final bosqichida ishtirokini yakunlagan.

Eslatib o‘tamiz, O‘zbekiston terma jamoasi ushbu bosqichga turnirning “J” guruhidan o‘rin olgan holda ikki g‘alaba va bir mag‘lubiyat (6 ochko) orqali yetib keldi.

• Futbol
• Jahon chempionati
• Qatar