Bugun, 22-avgust kuni O‘zbekiston prezidenti Shavkat Mirziyoyevning tadbirkorlar bilan uchrashuvi bo‘lib o‘tmoqda. Unda prezident tadbirkorlik faoliyatiga oid bir qancha takliflar berdi va yangi o‘zgarishlar haqida ma’lum qildi.

Quyida hozirgacha aytilgan asosiy takliflar va o‘zgarishlar:

2023-yil 1-yanvardan kichikdan o‘rta biznesga o‘tgan korxonalar ikki yil davomida foyda solig‘ining faqat 50 foizini to‘laydi;

2023-yil 1-yanvardan qo‘shilgan qiymat solig‘i (QQS) 12 foizga tushiriladi;

Prezident tadbirkorlarning oshirilgan soliq stavkalari bo‘yicha hisoblangan 2 trillion so‘mlik qarzlaridan butunlay voz kechish taklifini bildirdi;

Tadbirkorlarga nisbatan yangi javobgarlik va jazo choralarini joriy etishga 3 yillik moratoriy e’lon qilinadi;

Birinchi marta xato qilgan kichik biznes vakillariga jazo chorasi qo‘llanilmaydi;

Jarimalar miqdori ham tadbirkorlarning to‘layotgan solig‘idan oshib ketmasligi kerak;

Savdo qoidalarini buzganlik uchun jinoiy javobgarlik to‘liq bekor qilinadi (Jinoyat kodeksining 189-moddasi);

• Prezident
• Shavkat Mirziyoyev
• Tadbirkorlik
• uchrashuv