Prezident raisligida baliqchilikni rivojlantirish yuzasidan yig‘ilish boshlandi. Bu haqida Prezident matbuot kotibi xabar berdi.

“Dunyoda oziq-ovqat narxlarining o‘sishi, inflyatsiya xavf-xatarlari kelgusi yilda oziq-ovqat xavfsizligi eng dolzarb masala bo‘lib qolishini yaqqol ko‘rsatmoqda.

Shu bois, viloyat hokimlari o‘z hududida baliq yetishtirish holatini tahlil qilib, tadbirkorlar va aholi xonadonlariga barcha sharoitlarni yaratib berish bo‘yicha tizimli shug‘ullanishi zarur", - dedi Shavkat Mirziyoyev.

Shuningdek, o‘tgan besh yilda baliq yetishtirish hajmi 6 baravarga oshib, joriy yilda 400 ming tonnaga yetkazilishi qayd etilgan.

Shunday bo‘lsada, Navoiy, Namangan, Sirdaryo, Farg‘ona, Toshkent viloyatlarida hosildorlik haligacha gektariga 3-4 tonnani tashkil etmoqda. Sababi, ushbu hududlarda intensiv baliq yetishtirish hajmi umumiy ishlab chiqarishning 10 foizidan oshmayapti, deyiladi xabarda. 

• Prezident