Prezident Shavkat Mirziyoyev raisligida yurak qon-tomir va endokrin kasalliklarning oldini olish va ularni davolash tizimini takomillashtirishga bagʻishlangan videoselektor yigʻilishida yana bir muhim masala – “Yashil makon” umummilliy loyihasini amalga oshirish chora-tadbirlari ham muhokama qilindi.

– Oxirgi 3-4 kunda boʻlib oʻtgan changli ob-havo sharoiti ham ushbu dastur nihoyatda toʻgʻri ekanini yaqqol koʻrsatib turibdi”, — dedi Prezident.

Keltirilishicha, mutasaddilar loyihani amalga oshirishda qoʻshib yozish, raqamlarni boʻrttirib koʻrsatish, ishlarni pala-partish bajarishga yoʻl qoʻymaslik haqida qatʼiy ogohlantirilgan. 

Shuningdek, yigʻilishda bugungi kunga qadar Qoraqalpogʻiston, Namangan, Toshkent viloyati va Toshkent shahri ishga faol kirishgani, lekin Surxondaryo, Sirdaryo va Xorazm viloyatlarida daraxt ekish reja koʻrsatkichlaridan ancha ortda qolayotgani taʼkidlandi.

Shu bilan birga Qoʻshrabot, Kattaqoʻrgʻon, Tomdi, Doʻstlik, Arnasoy, Forish, Yangiariq, Sherobod, Termiz, Muzrabot, Gʻuzor, Kitob tumanlarida koʻchat ekish ishlari haligacha boshlanmagani maʼlum qilindi. 

Ushbu tuman hokimlariga qatʼiy ogohlantirish beriladigan boʻldi. Vazirlik, tarmoq, korxona rahbarlari oʻz rejalarini bajarilishi uchun shaxsan masʼul ekani koʻrsatildi.

• Prezident
• hokim