Kecha, 14-mart kuni Shavkat Mirziyoyev Surxondaryo viloyatiga tashrifi davomida o‘zi avtomobil boshqarib, Boysun-Denov yo‘nalishidagi yo‘llar sifatini tanqid qilgan edi.

Qayd etilishicha, shundan so‘ng mazkur yo‘llarni ta’mirlash ishlari boshlangan.

Loyiha doirasida rekonstruksiya qilinadigan avtomobil yo‘lining umumiy uzunligi 111 kilometr sement-beton qoplama bo‘lib, viloyatning Boysun, Bandixon, Qumqo‘rg‘on, Oltinsoy va Denov tumanlari hududidan o‘tadi.

Bugungi kunda qurilish obyektida asos ishlari bajarilmoqda. Hozirda 70 tadan ortiq maxsus mashina va mexanizm hamda 120 nafar ishchi xodim jalb qilingan.