Shavkat Mirziyoyev raisligida bo‘lib o‘tayotgan videoslektorda faoliyat turlarini yana 20 taga ko‘paytirish va bu orqali qo‘shimcha 150 ming aholi bandligi ta’minlash mumkinligini ko‘rsatib o‘tildi. Bu  haqda Prezident matbuot xizmati xabar qildi.

Shuningdek, davlat rahbari viloyat hokimlari mehnat migratsiyasidan qaytgan fuqarolarni qurilishlarga jalb qilish, ularga zarur asbob-uskunalar olib berish uchun subsidiya ajratish hisobiga qo‘shimcha 100 ming aholining rasmiy bandligini ta’minlashi kerakligi ta’kidlandi.

Bandlikni ta’minlash uchun yangi mexanizmlarni joriy etish bo‘yicha qaror loyihasini kiritish topshirildi.

Qayd etilishicha, dunyo bozorlaridagi holat, xom ashyo, yoqilg‘i va oziq-ovqat mahsulotlari narxining o‘sib borishi, qo‘shni davlatlardan pul o‘tkazmalarining kamayishi aholi daromadlariga ko‘rsatishi mumkin bo‘lgan ta’sirni hisobga olib va inflyatsiya hisob-kitoblaridan kelib chiqib, ehtiyojmand aholini ijtimoiy qo‘llab-quvvatlash ko‘lamini yanada kengaytirish bo‘yicha takliflar kiritish vazifasi qo‘yildi.

Ma’lumot o‘rnida, bugungi kunda 67 ta faoliyat turi o‘zini o‘zi band qilish shakliga o‘tkazilgan.

• Bandlik
• Hokimlik
• Prezident