Bosh prokuratura tomonidan prokuratura organlarida korrupsiyaga qarshi kurashish, tizimni nopok xodimlardan tozalash borasida barcha zarur choralar koʻrilmoqda.

Shunday tadbirlar doirasida Bosh prokuratura boshqarma katta prokurori E.A. hamda Uchtepa tumani prokuraturasi tergovchisi A.D.larning jinoiy qilmishlari fosh etilib, ularga nisbatan joriy yil 6-may kuni Jinoyat kodeksining 168 (Firibgarlik) va 28, 211 (Pora berish) moddalari bilan jinoyat ishi qoʻzgʻatilgan.

Jinoyat ishi boʻyicha gumonlanuvchilar protsessual tartibda ushlangan.

Maʼlum qilinishicha, hozirda tergov harakatlari olib borilmoqda. Tergovga aralashish va toʻsqinlik qilish holatlarining oldini olish maqsadida boshqa tafsilotlar oshkor qilinmaydi.

• Bosh prokuratura
• Firibgarlik
• Pora