Musobaqa 2016-yildan beri o‘tkazib kelinadi. Mazkur o‘yinlarga birinchi bo‘lib Hindiston, keyin Xitoy mezbonlik qilgan. Keyin pandemiya sabab tanaffus bo‘lgan va 2023-yilda esa JARda o‘tkazilgan.

Bu yil musobaqaga 97 davlatdan 4 ming nafar sportchi kelgan.

Musobaqaga yangi sport turlari, jumladan, futbol va basketbol ikki kurashi, yon kurash va belbog‘li kurash, shuningdek, akrobatik rok-n-roll kiritilgan.

BRIKS o‘yinlarida 387 ta medallar to‘plami o‘ynaladi, musobaqa 12-23-iyun kunlari bo‘lib o‘tadi.

Musobaqada O‘zbekistondan 249 nafar atlet 23 ta sport turi bo‘yicha qatnashadi.

BRIKS o‘yinlari ochilishida Akademik eshkak eshish bo‘yicha Osiyo o‘yinlarining oltin va kumush medallari sohibi Alisher Turdiyev O‘zbekiston bayroqdori bo‘ldi.

Turnirning asosiy maqsadi tenglik, kamsitilmaslik va sportchilarning musobaqalarda teng huquqqa ega bo‘lishi tamoyillari asosida mamlakatlar o‘rtasidagi aloqalarni mustahkamlashdan iborat.

• Rossiya
• Sport