“Putin Ukrainaga bostirib kirishda xato qilganini anglab yetgan, u buni yuragida biladi, lekin hech qachon omma oldida tan olmaydi”, – dedi NATOning sobiq rahbari.

2009-yildan 2013-yilgacha NATOning Yevropadagi ittifoqchi qo‘shinlari oliy bosh qo‘mondoni bo‘lgan Stavridis Ukraina urushi haqida fikr bildirdi.

“Putinning Ukrainaga bostirib kirishni xato deb bilasizmi?” degan savolga Stavridis:

“Menimcha, qorong‘u, sokin soatlarda ertalab soat ikkida uyg‘onganida xato qilganini tushunadi. Omma oldida u hech qachon bunday qilmaydi, buni tan olmaydi ham”, – deb javob berdi intervyusida.

Shunindek, sobiq qo‘mondon Putinning sanksiyalar va harbiy zarbalar uchun javobgar ekanligini ham aytib o‘tdi.

Stavridis Rossiyaning muzokaralariga to‘xtalib o‘tib, Putinning olti oydan keyin juda og‘ir ahvolga tushib qolishini taxmin qildi.

• NATO
• Rossiya
• Ukraina