Joriy yilning 6-noyabr kuni soat 4:55 larda A-373 avtomobil yo‘lining Qamchiq dovoni hududidan o‘tuvchi 238,5 kilometrida “Vodiy – Toshkent” yo‘nalishida tog‘ qiyaligidan yog‘ingarchilik natijasida namlanish hisobiga nomustahkam tosh-tuproq aralashmasi ko‘chkisi kuzatilgan. Bu haqda FVV xabar bermoqda.

Qayd etilishicha, ko‘chki yo‘lning xandak qismiga tushgani sabab harakat xavfsizligiga ta’sir qilmagan.

Hodisa natijasida tan jarohati olganlar yo‘q.

Voqea joyida “Qamchiqavtoyo‘l” IYFUK kuch va vositalari bilan ko‘chki massalari tozalangan. Qamchiq Maxsus qidiruv, yong‘in-qutqaruv boshqarmasi va YPX otryadi xodimlari avtomobil yo‘lida xavfsizlik choralarini ko‘rishgan.

“Dovon orqali harakatlanuvchi haydovchilardan xavfli uchastkalarga transport vositalarini to‘xtatmasligi hamda ogohlantiruvchi va taqiqlovchi belgilarga rioya etishlarini so‘raymiz”, – deyiladi FVV xabarida.

• FVV
• Qamchiq