Guliston-Bo‘ka-Angren-Qo‘qon va Andijon orqali O‘sh avtomobil yo‘lida yuk mashinasi ishtirokida yo‘l-transport hodisasi sodir bo‘ldi. Bu haqda “Qamchiqavtoyo‘l” matbuot xizmati xabar berdi.

Qayd etilishicha, mazkur hodisa 2024-yil 14-iyul kuni soat 18:00 da A-373 “M-39 a/y. - Guliston-Bo‘ka-Angren-Qo‘qon va Andijon orqali O‘sh” avtomobil yo‘lining 258.5-km. qismi “Toshkent-Vodiy” yo‘nalishida harakatlanib kelayotgan Isuzu rusumli yuk avtotransport vositasi boshqaruvni yo‘qotib, yo‘l o‘rtasidagi temir to‘siqqa urilishi natijasida yong‘in sodir bo‘lgan.

Hamkor tashkilotlar bilan birgalikda yo‘l transport hodisasi natijasida yonib ketgan yuk avtotransport vositasidagi yong‘in bartaraf etildi. Tan jarohati olganlar yo‘q. Avtotransport vositalari ikki tomonlama xavfsiz harakatlanmoqda, deyiladi xabarda.

• FVV
• Qamchiq