Qarshida “Afrosiyob” poyezdi yosh bolani bosib ketdi.
Mazkur voqea 2022-yil 9-sentabrda soat 15:33 da Koson tumani, “Qo‘ng‘irtog‘” MFY, Kamandi qishlog‘ida “Qarshi—Maroqand” temiryo‘l yo‘nalishida qatnovchi “Afrosiyob” tezyurar poyezdi bilan sodir bo‘lgan.
Keltirilishicha, 2019-yilda tug‘ilgan A.T. 9-sentabr kuni hududdagi oilaviy nodavlat maktabgacha ta’lim tashkilotiga olib kelingan.
Kunning ikkinchi yarmida A.T. nazoratsiz qoldirilishi natijasida bog‘chadan chiqib, temiryo‘l hududiga borib qolgan.
Bola poyezd yo‘lidan o‘tayotganida “Afrosiyob” tezyurar elektropoyezdi uni bosib ketgan. Olingan jarohatlar oqibatida bola vafot etgan.
Ayni paytda holat yuzasidan viloyat maktabgacha ta’lim boshqarmasi hamda huquqni muhofaza qiluvchi organlar tomonidan surishtiruv ishlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!