Elektr energiyasi, neft mahsulotlari va gazdan foydalanishni nazorat qilish inspeksiyasining ma’lum qilishicha, qarshi shahrida yashirincha tarmoqqa ulangan ishlab chiqarish sexi 1 mlrd 65 mln so‘mlik tabiiy gazdan noqonuniy foydalanganligi aniqlangan.

“O‘zenergoinspeksiya” Qashqadaryo viloyati hududiy boshqarmasi va Bosh prokuratura huzuridagi Departament hamkorligida o‘tkazilgan nazorat tadbirida Qarshi shahrida fuqaro M.F. fermer xo‘jaligiga qarashli binoda faoliyat yuritayotgan omuxta yem ishlab chiqarish sexi hujjatlarsiz, to‘g‘ridan to‘g‘ri gaz tarmog‘iga ulanib, undan noqonuniy foydalanganligi aniqlangan.

Ushbu qoidabuzarlik holati bo‘yicha dalolatnoma rasmiylashtirilib, dastlabki hisob-kitoblarga ko‘ra davlat manfaatlariga 1 mlrd 65 mln so‘m zarar yetkazilganligi ma’lum bo‘lgan.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.

• Departament
• Gaz