Qashqadaryo viloyati Nishon tumanida Nexia “KamAZ” tirkamasiga urilib, yo‘l-transport hodisasi sodir etdi. Bu haqda viloyat IIB matbuot xizmati ma’lum qildi.

Xabarda aytilishicha, 2022-yil 11-yanvar kuni soat 05:30larda Nishon tumani “Ko‘ksoy” MFY hududidagi yo‘lda Nexia haydovchisi Qarshi shahri tomondan Nishon shahri tomon harakatlanib ketayotgan vaqtda shu yo‘lning o‘ng tomonidan harakatlanib chiqqan “KamAZ”ning orqa tirkamasiga urilgan.

YTH oqibatida Nexia haydovchisi va yo‘lovchisi og‘ir tan jarohati olib, vafot etgan. Yana bir yo‘lovchi esa og‘ir tan jarohati bilan shifoxonaga yotqizildi.

Mazkur holat yuzasidan Nishon tumani IIB Tergov bo‘limi tomonidan Jinoyat kodeksining 266-moddasi 3-qismi “a” bandi (odamlar o‘limiga sabab bo‘lgan transportdan foydalanish qoidalarini buzish) bilan jinoyat ishi qo‘zg‘atilib, tergov harakati olib borilmoqda.

• IIB
• Qashqadaryo
• YTH