Ijtimoiy tarmoqlarda Qashqadaryo viloyati Koson tuman 20-sonli maktab direktori o‘qituvchilarga majburan maktabni ta'mirlatayotgani haqida xabar tarqaldi.

Ma’lumotlarga ko‘ra, direktor o‘qituvchilarni maktab remontiga jalb qilishdan tashqari, ulardan ta’mirlash ishlari uchun 50 ming so‘mdan pul ham yig‘dirib olgan.

Mazkur holat yuzasidan Kambag‘allikni qisqartirish va bandlik vazirligi rasmiy munosabat bildirdi.

Aniqlanishicha, Koson tumanidagi 20-umumiy o‘rta ta’lim maktabi direktori haqiqatdan ham o‘qituvchi va ishchi xodimlarni ta’mirlash ishlariga jalb qilgan.

Maktab direktoriga nisbatan Ma’muriy javobgarlik to‘g‘risidagi kodeksining 51-moddasi 2-qismiga asosan BHMning 100 (yuz) barobari, ya’ni 33 000 000 (o‘ttiz uch million) so‘m miqdorida ma’muriy jarima qo‘llanilgan.

• Jarima
• Maktab
• Qashqadaryo
• direktor