Qashqadaryo viloyatining Muborak tumanida Spark hamda Gentra rusumli avtomobil yonib ketgani aytilmoqda. Guvohlarning aytishicha YTH qurbonlari soni 5 nafardan ortiq bo‘lgan va ular avtomobillar ichida qolib yonib ketgan.

Ma’lumotlarga ko‘ra A-380 Gʻuzor-Buxoro-Nukus-Beynov xalqaro avtomobil yo‘lining Muborak tumani hududidan o‘tgan qismida katta tezlikda harakatlanayotgan mashinalardan biri ikkinchisining yo‘liga chiqib ketib o‘zaro to‘qnashgan. Shundan so‘ng yong‘in kelib chiqqan. Oqibatda har ikkala mashina va ularda bo‘lgan odamlar yonib ketgan.

Qashqadaryo viloyati Ichki ishlar boshqarmasi bergan ma’lumotga ko‘ra, mazkur holat yuzasidan viloyat IIB huzuridagi Tergov boshqarmasi tomonidan Jinoyat kodeksining 266-moddasi (Transport vositalari harakati yoki ulardan foydalanish xavfsizligi qoidalarini buzish) 3-qismi “a” bandi bilan jinoyat ishi qo‘zg‘atilgan. Hozirda tergov harakatlari olib borilmoqda.
Viloyat IIB, shuningdek, holat yuzasidan o‘rganish yakunlari bo‘yicha qo‘shimcha axborot berilishini ma’lum qilgan. Ammo boshqarma YTH qurbonlari haqida ma’lumiot bermagan.

• O‘zbekiston
• Qashqadaryo
• YTH