Qashqadaryoda bosqichma-bosqich viloyatga olib kelinayotgan, Xitoyda ishlab chiqarilgan avtobuslarning navbatdagi 30 donasi faoliyatini boshladi. Bu haqda viloyat hokimligi matbuot xizmati xabar berdi. Ma’lum qilinishicha, ularning ichida 4 dona turistik avtobuslar ham mavjud bo‘lib, ichki turizmni rivojlantirishga, nuroniylar va yoshlarni sayohatlarini tashkil etishga xizmat qiladi.

“Qashqadaryo” gazetasi xabariga ko‘ra, avtobuslarning umumiy sig‘imi 67 kishi, shu jumladan, yo‘lovchi o‘rindiqlari soni 24 tani tashkil etadigan CRRC TEG6890NG01 rusumli mazkur avtobuslar nisbatan arzon va ekologik toza yonilg‘i – siqilgan tabiiy gazda ishlaydi.

Shuningdek, bu transport vositalari kuzatuv kameralari, havo mo‘tadilligini ta’minlovchi moslamalar hamda harakatini masofadan monitoring qilish uchun GPS-trekerlar va yo‘l kirani elektron tarzda to‘lash uchun statsionar validatorlar bilan jihozlangan.

• Avtobus
• Qashqadaryo
• Xitoy