Qashqadaryo viloyati Shahrisabz tumani hududida joylashgan qishloqda qalin qor yog‘gan. Bu haqda tuman hokimligi axborot xizmati xabar bermoqda.

Ma’lum qilinishicha, Shahrisabz tumanining olis tog‘li hududida joylashgan Ko‘l qishlog‘ida 5 kundan buyon qor yog‘moqda va uning qalinligi qariyb bir metrga yetgan.

“Bu vaziyat aholining turmush tarziga salbiy ta’sir etayotgani yo‘q. Tuman hokimligining tashabbusi bilan aholining ehtiyojlari o‘rganilib, yetarli miqdorda arzonlashtirilgan ko‘mir yoqilg‘isi yetkazib berilgan. Ijtimoiy soha obyektlari ham barqaror ishlamoqda”, deyiladi xabarda.

• Qor
• Tog‘