Qatarning Pover International Holding kompaniyasi O‘zbekistonda loyihalarni amalga oshirishga investitsiya kiritadi.

Turizm qo‘mitasi xabariga ko‘ra, qo‘mita raisi Umid Shodiyev kompaniya boshqaruv raisi o‘rinbosari Moris Gattas boshchiligidagi delegatsiya bilan uchrashdi. Unda mamlakatdagi turizm imkoniyatlari haqida ma’lumot berildi.

Tomonlar O‘zbekistonda turizm infratuzilmasini rivojlantirishga qaratilgan loyihalarni amalga oshirish va ularga sarmoya yo‘naltirish masalalarini ko‘rib chiqdi.
Kompaniya Toshkent-Samarqand yo‘nalishida tezyurar poyezdlar uchun temiryo‘l qurilishiga mablag‘ ajratmoqchi. Bundan tashqari, shu yo‘nalishda pulli avtomobil yo‘lini qurish loyihasi ham bor.

Shuningdek, mamlakatning tarixiy shaharlarida mehmonxonalar qurish, Toshkent viloyatida xalqaro umummavsumiy tematik bog‘ barpo etish loyihalarini moliyalashtirish masalalari muhokama qilindi.

• Investitsiya
• O‘zbekiston temir yo‘llari
• Samarqand
• Temiryo‘l