Ekskavator gaz quvuriga shikast yetkazishi natijasida Yakkasaroy va Mirobod tumanlarining ayrim hududlarida tabiiy gaz ta’minoti vaqtincha to‘xtatildi. Bu haqda Energetika vazirligi xabar berdi.

Bugun, 8-noyabr kuni Toshkent shahri, Yakkasaroy tumani, Bobur ko‘chasida qazish ishlarini olib borayotgan ekskavator ish jarayonida o‘rta bosimli gaz quvurini uzib yuborgan.

Buning oqibatida Yakkasaroy tumanida joylashgan ko‘p qavatli binolardagi 2400 ta va 1100 ta yerli xonadon, shuningdek, Mirobod tumanining Nukus, Abdulla Qahhor, Damariq va Hamid Sulaymon ko‘chalari iste’molchilari vaqtincha tabiiy gaz tarmog‘idan o‘chirildi.

Ta’mirlash ishlari yakunlangach tabiiy gaz ta’minoti bosqichma-bosqich tiklanadi.

• Gaz
• Mirobod