Qibray tumani “May” MFY hududidagi qishloq xoʻjaligiga moʻljallanmagan 6 gektar yer maydonida maishiy chiqindi poligoni quriladi. Bu bo‘yicha Toshkent viloyati hokimi Zoyir Mirzayevning tegishli qarori imzolandi.

Ajratilgan yer maydonidagi maishiy chiqindi poligonida sanitariya-ekologiya, yongʻin xavfsizligi talablariga rioya etilishi, belgilangan muddatda rekultivatsiya qilib faoliyatini tugatishi belgilandi.

O‘zbekiston Respublikasi Prezidentining 2024-yil 4-yanvardagi “Chiqindilarni boshqarish tizimini takomillashtirish va ularning ekologik vaziyatga salbiy ta’sirini kamaytirish bo‘yicha chora-tadbirlar to‘g‘risida”gi PF-5-sonli Farmonida berilgan topshiriqlar ijrosini ta’minlash maqsadida, Toshkent viloyat hokimining 2024-yil 3-maydagi 336-10-0-Q/24-sonli qarorini, “Chiqindi poligonlarini boshqarish direksiyasi” davlat muassasasi Toshkent viloyati hududiy boshqarmasining 2024-yil 4-maydagi 22-sonli murojaatini hamda taqdim etilgan boshqa hujjatlarini o‘rganib chiqib, Yer kodeksining 5-moddasi, “Mahalliy davlat hokimiyati to‘g‘risida”gi Qonunining 6, 10, 25-moddalariga asosan qarori qabul qilindi.

• Chiqindi
• Qibray
• Toshkent viloyati
• Zoir Mirzayev