Shu kunlarda yosh qilichbozlar oʻrtasida Jahon kubogi bahslari boʻlib oʻtmoqda. Unda ishtirok etayotgan Oʻzbekiston terma jamoasi vakillari sovrinli oʻrinlarni egallashmoqda.

Jumladan, Kosta-Rika poytaxti San-Xose shahrida shpaga boʻyicha oʻtgan qizlar oʻrtasidagi yakkalik bellashuvlarda Shahzoda Egamberdiyeva kumush, Dilnaz Murtazayeva esa bronza medaliga sazovor boʻldi.

Oltin – Yeva Mazur (Ukraina)

Kumush – Shahzoda Egamberdiyeva (Oʻzbekiston)

Bronza – Dilnaz Murtazayeva (Oʻzbekiston)

Bronza – Alexandra Gomez (Kolumbiya)

Shuningdek, Eronning Tehron shahrida oʻtayotgan erkaklar oʻrtasidagi sablya bahslarida Zuhriddin Qodirov shohsupaning uchinchi pogʻonasiga koʻtarildi.

Oltin – Junxyong Kim (Koreya Respublikasi)

Kumush – Muhammad Kalendar (Turkiya)

Bronza – Zuhriddin Qodirov (Oʻzbekiston)

Bronza – Erfan Shokouhi (Eron)

Bundan tashqari, Qozogʻistonda ayollar oʻrtasida kechgan bellashuvlarda hamyurtlarimiz sovrinli oʻrinlardan joy olisholmadi. Bugun qilichbozlarimiz jamoaviy dasturda chempionlik uchun kurash olib borishadi.

• O‘zbekiston
• Qilichbozlik