Qirg‘iz nashrlarining xabar qilishicha, Jogorku Kenesh yig‘ilishida deputatlar “Qirg‘iziston Respublikasining davlat ramzlari to‘g‘risida”gi qonunga o‘zgartishlar kiritish haqida”gi qonun loyihasini birinchi o‘qishda ko‘rib chiqqan va qabul qilgan.
Qonun loyihasi tashabbuskorlari – Jogorku Kenesh deputatlari Nurlanbek Shakiyev, Ulan Primov bo‘lgan.

Tashabbuschilardan biri, deputat Ulan Primov qonun loyihasi asosiy davlat ramzlaridan biri – Qirg‘iziston Respublikasi bayrog‘ini takomillashtirishga qaratilganini ta’kidladi. Qirg‘iziston Respublikasi bayrog‘idagi nurlar shaklini to‘lqinsimon shakldan quyosh nurlarini aniq eslatuvchi shaklga o‘zgartirish taklif qilinmoqda.

Qirg‘iziston Respublikasi bayrog‘idagi quyosh nurlarining yangi eskizini ishlab chiqish uchun dastlabki bosqichda ushbu bayroqning mualliflari, ishlab chiquvchilari jalb qilingan, ular matematik hisob-kitoblar, chizmalar va tegishli ishlarni amalga oshirgan. Ulan Primov bir qator davlatlar bayroqlarini, xususan, AQShda 26-marta, Ispaniyada 8-marta, Rossiyada 1-marta bayroqlarini o‘zgartirganini ta’kidladi. Shuningdek, u Qirg‘iziston bayrog‘ini o‘zgartirish respublika byudjetidan xarajatlarga olib kelmasligini ta’kidlagan.

• Bayroq
• Qirg‘iziston