Qirg‘iziston prezidenti Sadir Japarov 10-aprel kuni Bishkek shahridagi Imom Saraxsiy nomidagi markaziy jome masjidida masjidga tashrif buyurganlar bilan birga hayit namozini o‘qidi. Bu haqda prezident matbuot xizmati xabar berdi.

Qirg‘iziston prezidenti xalqqa yo‘llagan tabrigida ramazon oyida xalqning hamjihatligi yanada mustahkamlanganiga ishonch bildirdi.

“Ota-bobolarimizdan bizga meros bo‘lib qolgan oliyjanob fazilatlardan foydalanib, xalqimizga, davlatimizga xizmat qilaylik. Axir buning uchun bizda xohish, ishonch va iroda bor. Har birimiz milliy birdamlikni mustahkamlashga intilib, yurtimizning yorug‘ kelajagiga hissa qo‘shaylik”, — dedi Japarov.

• Hayit
• Masjid
• Prezident
• Qirg‘iziston