Qirg‘iziston parlamenti spikeri Nurlanbek Shakiyev rus va ingliz tillaridagi multfilmlarni bloklashga chaqirdi.

“Bolalar telefonlarida ko‘rayotgan barcha multfilmlar rus tilida, qirg‘iz tilida birorta ham multfilm yo‘q. Rus va ingliz tillarida multfilmlarni bloklash kerak bo‘ladi. Tilimizni saqlab qolish uchun bugundan ish boshlamasak, ertaga tilimiz yo‘qoladi”, - dedi Shakiyev.

Parlament spikeri deputatlarni qirg‘iz tilida so‘zlashga va nomlarni aytishga chaqirdi, chunki ko‘p so‘zlar ruslashib, arablashgan. Uning ta’kidlashicha, odamlar bolalariga asosan arabcha ism qo‘yishadi va arabcha ismlardan foydalanishadi, garchi “chiroyli qirg‘iz ismlari” juda ko‘p.

“Nafaqat til yo‘qolib qolishi mumkin, balki qirg‘izcha nomlarni ham yo‘qotamiz”, - dedi Shakiyev.

• Maktab
• Qirg‘iziston