Ma’lum qilinishicha, Qirg‘iziston parlamenti familiyalarning milliy an’analarga mos variantlarini joriy etish bo‘yicha qonun loyihasini tasdiqladi. Bu haqda 24.kg nashri xabar berdi.

Unga ko‘ra, ushbu qaror fuqarolarga ruscha qo‘shimchalardan voz kechib, o‘z tarixiy merosiga mos familiyalarni tanlash imkoniyatini yaratadi.

Deputat Mirlan Samemko‘joning tushuntirishicha, yangi tartib familiya va ota ismining imlosini majburiy o‘zgartirishni nazarda tutmaydi.

Hozirgi “-ov”, “-yev”, “-vich”, “-vna” qo‘shimchalari saqlanib qoladi, lekin ularni faqat fuqarolarning iltimosiga binoan o‘zgartirish mumkin.

Qonun loyihasiga ko‘ra, fuqarolar quyidagi variantlarni tanlash imkoniga ega bo‘ladi:

O‘g‘il bolalar uchun – “uulu”, “din/tin”, “dun/tun”, “dan/tan”, “den/ten”, “don/tyon” qo‘shimchalari;

Qiz bolalar uchun – “qizi” qo‘shimchasi.

Shu bilan birga, familiya hech qanday qo‘shimchasiz ham rasmiylashtirilishi mumkin. Bunday holda, bolaga otasining ismi familiya sifatida berilmaydi.

• Qirg‘iziston
• Rossiya
• Sadir Japarov
• familiya