2005 – 2010-yillarda Qirg‘iziston prezidenti lavozimida ishlagan Qurmanbek Bakiyev Bishkekning Pervomayskiy tuman sudi tomonidan sirtdan 10 yilga ozodlikdan mahrum etildi.

Sobiq prezident va jinoiy ish bo‘yicha boshqa ayblanuvchilar “Qumtor” oltin konidagi korrupsiya ishi bo‘yicha sudlangan.

“Bishkek shahri Pervomayskiy tuman sudining 2023-yil 1-martdagi hukmi bilan Qurmanbek Bakiyev Qirg‘iziston Respublikasi Jinoyat kodeksining 2021-yil 28-oktyabrdagi 336-moddasi 2-qismida nazarda tutilgan jinoyatni sodir etganlikda aybdor deb topildi”, – deyiladi xabarda.

Shuningdek, hukmda uning mol-mulki musodara qilinishi va jazoni o‘tab bo‘lgach, uch yil davomida davlat xizmatida ishlay olmasligi ham qayd etilgan.

Ilgari sudlangani hisobga olinsa, qochqin prezident jami 30 yillik qamoq jazosini o‘tashi kerak.

2010-yil aprel oyida Bakiyev Qirg‘izistonni tark etgan va hozirda Belarusda istiqomat qiladi. U mol-mulki musodara qilingan holda sirtdan 30 yilga ozodlikdan mahrum etildi. Bishkek Minskdan sobiq davlat rahbarini ekstraditsiya qilishni bir necha bor talab qilgan, biroq har safar rad etilgan.

• Prezident
• Qamoqxona