Yaqin Sharq mintaqasida davom etayotgan keskin vaziyat munosabati bilan Qirg‘iziston Tashqi ishlar vazirligi fuqarolarini Isroil, Eron, Livan, Suriya, Iroq va Falastin hududlariga borishdan tiyilishga chaqirdi.

“Shu bilan birga, yuqorida keltirib o‘tilgan mamlakatlarda bo‘lgan fuqarolar vaziyat barqarorlashgunga qadar shaxsiy xavfsizlik choralarini kuchaytirishi kerak”, — deyiladi TIV bayonotida.

Shuningdek, vazirlik elchixonalarining favqulodda telefon raqamlari mavjud bo‘lib, ular orqali mintaqadagi Qirg‘iziston fuqarolari agar kerak bo‘lsa, yordam yoki maslahat so‘rashi mumkinligini ta’kidladi.

1. Qirg‘iziston Respublikasining Turkiya Respublikasidagi elchixonasi: +905456896800;
2. Qirg‘iziston Respublikasining Saudiya Arabistoni Podshohligidagi elchixonasi: +966583769945;
3. Qirg‘iziston Respublikasining Eron Islom Respublikasidagi elchixonasi: +989352505226;
4. Qirg‘iziston Respublikasining Quvayt Davlatidagi elchixonasi: +96525359951.

• Qirg‘iziston
• Tashqi ishlar vazirligi