Qirg‘izistonning O‘sh shahrida 12 yoshli bola quturishdan vafot etdi. Ma’lumotni sanitariya-epidemiologiya nazorati markazi tasdiqladi.

Epidemiologlar maʼlumotiga ko‘ra, bolaning o‘limi shifoxonaga tushganidan ikki kun o‘tib, 22-sentyabr kuni sodir bo‘lgan.

“Bola O‘sh shahrida yashaydi, yozgi ta’til paytida u bobosi va buvisi bilan O‘zgan tumanida bo‘lgan. Iyul oyi oxirida uni dalada it tishlab olgan, bu haqda shifokorlarga murojaat qilishmagan. Ular faqat tishlagan joyni davolashgan. Klinik alomatlar bir yarim oydan keyin paydo bo‘lgan va allaqachon kech bo‘lgan”, – dedi O‘sh sanitariya-epidemiologiya sanitariya markazi.

Shifokorlar it tishlagandan keyin darhol shifokorga murojaat qilish kerakligini eslatdi. Bu jabrlanuvchining hayotini saqlab qoladi.

• Qirg‘iziston
• SSV
• Sanitariya