Ma’lumotlarga ko‘ra, Qirg‘izistonning O‘zbekiston bilan chegaradagi nazorat-o‘tkazish punktida sakkiz nafar chegarachi qo‘lga olindi. Bu haqda “Kaktus” nashri xabar berdi.
Unga ko‘ra, 17-dekabrdan 18-dekabrga o‘tar kechasi “Baymak-Avtodorojniy” nazorat-o‘tkazish punktida ish vaqtidan tashqari kontrabanda yuklarini o‘tkazayotgan chegarachilar ushlangan. Aniqlanishicha, harbiy xizmatchilar ushbu punktdan yuklarni muntazam ravishda o‘tkazgan.
“Chegarada xizmat qilayotgan harbiylar mukofot ilinjida tovarlar kontrabandasida faol qatnashgan. Oqibatda kontrabandaning barqaror kanali tashkil etilgan. Hattoki, ular o‘zining jinoiy harakatini yashirish uchun nazorat-o‘tkazish punktidagi videokameralarni obyektning butun hududida elektr ta’minotini uzish orqali o‘chirib qo‘ygan”, deyiladi xabarda.
Ma’lumot uchun, Milliy xavfsizlik davlat qo‘mitasi tezkor tadbirda “Baymak-Avtodorojniy” nazorat-o‘tkazish punktining sakkiz harbiy xizmatchisi va kontrabanda bilan shug‘ullangan besh nafar fuqaroni qo‘lga olgan. Ayni paytda esa ularga nisbatan tergov harakatlari olib borilayotgani qo‘shimcha qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!