20-yanvar kuni O‘zbekiston Tashqi ishlar vaziri Baxtiyor Saidov Qirg‘iziston Respublikasining yangi tayinlangan elchisi Duyshonkul Chotonovdan ishonch yorliqlari nusxalarini qabul qildi. Bu haqda vazir o‘z Telegram kanalida yozib qoldirgan.

“Qirg‘iz Respublikasining yangi tayinlangan elchisi Duyshonkul Chotonov janoblaridan ishonch yorliqlari nusxalarini qabul qildik. Shubhasiz, mamlakatlarimiz o‘rtasidagi qardoshlik rishtalari har sohada jadal rivojlanib bormoqda. Biz misli ko‘rilmagan yutuqlarga guvoh bo‘lmoqdamiz va ikki tomonlama munosabatlarining to‘liq salohiyatiga erishish uchun yanada katta marralarga erishishni reja qilmoqdamiz. Janob elchiga mamlakatimizdagi faoliyati davomida omad tilaymiz” – deyiladi xabarda.

• Baxtiyor Saidov
• Elchi
• O‘zbekiston
• Qirg‘iziston
• Tashqi ishlar vazirligi