Sasseks gersogi, Buyuk Britaniya qiroli Charlz III ning kenja oʻgʻli Garri ismi otasining toj kiyish marosimi uchun tayyorlangan ssenariydan oʻchirib yuborildi.

Britaniya monarxining kichik oʻgʻli marosimda rasmiy rolga ega boʻlmaydi. Qirol Charlz anʼanadan chetga chiqqan holda gersoglarning qirol qarshisida tiz choʻkib, unga hurmat bajo keltirishidan voz kechadi. Bu rolni faqatgina shahzoda Uilyam bajaradi.

Bunga soʻnggi vaqtlarda shahzoda Garrining shov-shuv koʻtarish va qirollik oilasi aʼzolarini qoralashga harakat qilayotgani sabab boʻlgan.

Eslatib oʻtamiz, Buyuk Britaniya qiroli Charlzning toj kiyish marosimi 2023 yilning 6 may sanasiga rejalashtirilgan.

• Buyuk Britaniya
• mashhurlar
• qirol
• xabar