Qishki taʼtil kunlarini 24-yanvarga qadar uzaytirilgani oʻqituvchilarning oylik maoshiga taʼsir qilmaydi. Bu haqda Xalq taʼlimi vazirligi maʼlum qildi.

Qayd etilishicha, kuni kecha Xalq taʼlimi vazirligi tomonidan qishki taʼtil kunlari uzaytirilganligi haqidagi xabardan soʻng, oʻqituvchi va ota-onalardan koʻplab savollar yoʻllangan. Ulardan biri qishki taʼtil kunlarini 24-yanvarga qadar uzaytirilgani oʻqituvchilarning oylik maoshiga taʼsir qilish yoki qilmasligi haqida boʻlgan.

Maʼlum qilinishicha, umumtaʼlim muassasalari oʻquvchilari uchun beriladigan qoʻshimcha taʼtil kunlari davomida xalq taʼlimi tizimida faoliyat yuritayotgan pedagog va boshqa xodimlarga amaldagi ish haqi toʻlovlari saqlangan holda toʻlab boriladi, yaʼni oylik maoshga taʼsir qilmaydi.

• Ta'lim
• Ta'til
• Vazirlik