Birlashgan Millatlar Tashkilotining Taraqqiyot Dasturi X (ilgari Twitter) ijtimoiy media platformasi akkauntidan "Safer tankeridagi neftning 80 foizi bo'shatilgani va evakuatsiya jarayoni yakuniy bosqichga yetgani" haqida bayonot berdi.

Ishlarning sekinlashmasdan davom etayotgani ta'kidlangan bayonotda, "Tankerdan bo'shatilgan har bir barrel neft bilan Yaman baliqchilari va jamoatchiligining kelajagi xavfsizroq bo'ladi"– deyilgan.

Xavfsizroq neft tanker

Yamanning Qizil dengiz qirg'og'ida 2015-yildan beri 8 yil davomida qarovsiz holatda, langarda turgan Yaman hukumatiga aloqador kompaniyaga tegishli “Safer” tankeridagi 1 million barreldan ortiq neft Qizil dengizga sizib chiqishi xavfi borligi tufayli, ekologik falokat keltirib chiqarishi mumkinligidan ogohlantirilgan.

BMTning mamlakatdagi gumanitar masalalar bo‘yicha koordinatori Devid Gresli o‘tgan yili “Safer” tankeri ekologiya uchun zararli “bomba” bo‘lishi haqida ogohlantirib, tankeridagi neftni Qizil dengizga sizib chiqishini bartaraf etish 20 milliard dollarga tushishi mumkinligini aytdi.

Uzoq vaqt davomida tankerni bo‘shatish uchun mablag' yig'ish ustida ishlagan BMT, mart oyida yig'ilgan xayr-ehsonlar evaziga neftni Saferdan bo‘shatish uchun yirik xom neft kemasi sotib olish bo'yicha kelishuvga erishilganini e'lon qildi.

• neft