Qoʻqon pedagogika instituti yotoqxonasida boʻlgan voqea yuzasidan Oliy taʼlim, fan va innovatsiyalar vazirligi rasmiy bayonot berdi.

Qayd etilishicha, vazirlik inson shaxsiy hayotiga oʻzboshimchalik bilan aralashish, shaxsiy maʼlumotlarni ochiqlashga urinish kabi xatti-harakatlarni qattiq qoralaydi, ushbu holatni talaba-qizlarning shaʼni va qadr-qimmatini kamsitish deb baholaydi.

Hech kimning inson erki va shaxsiy hayotiga daxl qilishga haqi yoʻq, deb hisoblaydi.

Maʼlum qilinishicha, shu bois, bevosita jarayonda ishtirok etib, xizmat vazifasini suiisteʼmol qilgan 4 nafar masʼul xodim, jumladan, voqeada bevosita ishtirok etgan prorektor egallab turgan lavozimidan ozod etildi va bir nafar mutaxassisga intizomiy jazo chorasi qoʻllanilgan.

Taʼkidlanishicha, voqea ishtirokchisi boʻlgan qizlarning tazyiqsiz taʼlim olishlari kafolatlanadi. Keltirilishicha, huquq-tartibot organlari tomonidan tekshiruv ishlari davom etmoqda.

• Institut
• Oliy ta'lim, fan va innovatsiyalar vazirligi
• Qo'qon
• rasmiy munosabat