Ramzan Qodirovning o‘g‘li Adam Qodirov Rossiya Mudofaa vazirligi tarkibidagi “Shayx Mansur” batalyoniga rahbarlik qiladi. Bu haqda Checheniston parlamenti spikeri Magomed Daudov ma'lum qildi.

“Do‘stlar! Mening Aziz jiyanim, Checheniston Respublikasi qahramoni Adam Qodirovga muhim yo‘nalish ishonib topshirilgan: bundan buyon u Rossiya federatsiyasi mudofaa vazirligi tarkibidagi eng jangovar bo‘linmalardan birini - Shayx Mansur batalonini nazorat qiladi.

Ishonchim komilki, bizning birinchi Prezidentimiz, Rossiya qahramoni Axmat-Xadji Qodirovning nabirasi ko‘satilgan ishonchni yuqori darajada oqlaydi va batalyon shaxsiy tarkibi belgilangan vazifalarni sifatli bajarish uchun zarur bo‘lgan barcha narsalar bilan ta'minlanishi uchun zarur bo‘lgan hamma narsani qiladi.

Buning uchun Adam Qodirov zarur qobiliyat va ko‘nikmalarga ega, ularning asosiylari mehnatsevarlik, qat'iyatlilik va ishonib topshirilgan ishga mas'uliyatli munosabatdir.

Bundan tashqari, bugun mening aziz jiyanim Shayx Mansur nomidagi batalyon yulduzini olgani haqida xabar berishdan mamnunman, men uni chin dildan tabriklayman! Adam Qodirovga Ahmat-Xodji yo‘lida katta muvaffaqiyatlar, sihat-salomatlik va omad tilayman!” – deyiladi xabarda.

• Checheniston
• Ramzan Qodirov