Farg‘ona shahrida 3-yanvar kuni jinoyat ishlari bo‘yicha Qo‘qon shahar sudi sudyasi M.U. ishtirokida yo‘l-transport hodisasi sodir bo‘lgan. Bu haqda Sudyalar oliy kengashi axborot xizmati xabar berdi.

Xabarda keltirilishicha, hodisa Farg‘ona shahar Al-Farg‘oniy va Temiryo‘lchilar ko‘chalari kesishgan chorrahada sodir bo‘lgan.

Ma’lum bo‘lishicha, M.U. boshqaruvidagi “Nexia-2” va yo‘l transport hodisasining yana bir ishtirokchisi X.A. boshqaruvidagi “Nexia-3” avtotransport vositalari shikastlangan. Ikki tarafdan ham og‘ir bo‘lmagan tan jarohati olganlar bor.

Ayni paytda holat yuzasidan vakolatli organ xodimlari surishtiruv ishlari olib bormoqda.

• Farg‘ona
• YTH