Qoraqalpog‘istonda 2022-2023-yillarda qirg‘ovul ovlashga taqiq qo‘yildi. Bu borada Qoraqalpog‘iston Respublikasi Vazirlar Kengashining tegishli qaroori qabul qilingan.

Mazkur qaror bilan Qoraqalpog‘iston Respublikasi Ekologiya va atrof-muhitni muhofaza qilish qo‘mitasiga Ichki ishlar vazirligi bilan birgalikda qirg‘ovullarning noqonuniy ovlanishining oldini olish bo‘yicha ishlarni faollashtirish, qirg‘ovullarning noqonuniy ovlanishiga yo‘l qo‘ygan shaxslarga nisbatan amaldagi qoidalarga muvofiq va belgilangan tartibda tegishli choralar ko‘rish topshirildi.

Qoraqalpog‘iston Ekoqo‘mitasi xodimi Alisher Yakubovning ta’kidlashicha, qirg‘ovullarni ovlash taqiqlanmagan, masalan, o‘tgan yilda ajratilgan kvota doirasida Qoraqalpog‘iston ovchilariga 1800 bosh qirg‘ovulni ovlashga ruxsatnoma berilgan. Lekin, qirg‘ovullarning bosh sonini ko‘paytirish zarurligi mutaxassislar tomonidan e’tirof etilgani bois ikki yillik taqiq o‘rnatilmoqda.

Qoraqalpog‘iston Respublikasi hududida 2022-2023-yillarda qirg‘ovullar ovlanishining taqiqlanishi albatta, yaqin ikki yil ichida qirg‘ovullar sonining ko‘payishiga xizmat qiladi.

• Ekologiya
• Qoraqalpog‘iston